ÒCtele, la cadena de television occitana sus Internet, difusa d’aquesta passa dos documentaris realizats e produsits pel CIRDÒC : Jòga ! L’invencion d’un teatre popular contemporanèu e Patrimòni, l’eiretatge d’una civilizacion.
Lo primièr foguèt realizat en 2011 a l’escasença d’una exposicion sus la respelida del teatre occitan. D’actors, d’empontaires e de cercaires i parlan d’aquel movement creatiu original nascut a l’endeman de mai de 68, qu’inventèt e inscriguèt dins la durada un teatre en rompedura amb l’istòria de la dramaturgia occidentala.
Lo second foguèt realizat per Mathias Leclerc/Altaïr e produsit pel CIRDÒC en 2011 pendent lo Xen Congrès de l’AIEO. Prepausa un percors dins la civilizacion occitana de l’Edat Mejana : literatura, sciéncias, pensada…
Los podètz veire en vidèo a la demanda sus octele.com.