Lo novèl esquèma regional de desvolopament de l'occitan en Miègjorn-Pirenèus, adoptat en decembre passat en amassada plenièra, cobrís lo periòde de 2015 a 2020 e perlonga lo tèxte precedent, adoptat en 2007.
Es articulat autorn de doas partidas. La primièra pertòca la governança e lo pilotatge, la segonda parla de las orientacions regionalas en matèria de politicas lingüistica e culturala occitanas. Dins aquesta, Lo Congrès es mencionat a l'escasença de l'axe « Desvolopament de la coneissença de la lenga e patrimòni immaterial ».
L'esquèma tracta del desvolopament dels otisses de regulacion de la lenga e ditz que « la Region reconeis lo caractèr academic del Congrès Permanent de la Lenga Occitana coma entitat en carga de la normalizacion de l'occitan ». S'engatja a sostenir lo desvolopament d'otisses de regulacion lingüistica portats pel Congrès e la creacion d'otisses d'ajuda a la transmission e a la traduccion dins l'encastre de la fuèlha de rota 2015-2019 pel desvolopament del numeric occitan. Per çò que tòca a la coneissença de la lenga, la traduccion, la visibilitat de l'occitan e lo bilingüisme, la Region « intervendrà per sostenir las òbras sus aquelas tematicas validadas scientificament pel Congrès Permanent de la Lenga Occitana ».
Fòto : Science Animation