Micheu CHAPDUELH

Micheu Chapduelh Agonac (Aquitània)

Micheu Chapduelh, Michel Chadeuil per l’estat civil francés, es nascut en 1947 a Agonac, en Peiregòrd, dins una familha paisana occitanofòna. (Dialecte lemosin). Prumiers escrichs a set ans, prumier texte publicat a 14, data onte entra au Felibritge. Quauquas annadas après rescontrará l’Institut d’Estudis Occitans onte milita totjorn.

Poeta e autor de chançons, etnolingüista e cerchaire en lexicografia, etnograf e etnò-botanista, romancier, umorista, contaire, mitològ o enquera onirograf, eschampa aus quatre vents sos talents e sas curiositats sens poder èsser etiquetat.

Professor de letras francesas e d’occitan, fondet en 1975, emb Jan dau Melhau e Marcela Delpastre, la revista LO LEBERAUBRE que sa tòca es de reviscolar la literatura lemosina d’expression occitana per son rescontre emb l’èime popular paisan e la literatura orala.

Poeta
Lingüista
Etnograf
Romancièr
Contaire
Umorista e satirista
Espigaire
Onirològue
Artista e conferencièr