Lo Congrès permanent de la lenga occitana

Lo Congrès qu'ei l'organisme interregionau de regulacion de la lenga occitana. Qu'amassa las institucions e las federacions istoricas occitanas e que'u sostienen las collectivitats e lo Ministèri de la cultura e de la comunicacion - DGLFLF.
  • dicod'Òc dicod'Òc
  • tèrm'Òc tèrm'Òc
  • vèrb'Òc vèrb'Òc
  • top'Òc top'Òc
  • express'Òc express'Òc
  • punt de lenga punt de lenga
FR→OC
OC→FR
OC→OC
Istoric

Expressions

« Metre un tap a la flaüta »

Metre un tap a la flaüta

Se taire, la fermer

punt de lenga

Las abreviacions 2

post-scriptum

Coma escriure las abreviacions de mots e los simbòles ?

« PS / post-scriptum »

Actualitats

  • All
  • Eveniments
  • Institucion
  • Politicas
  • Publicacions
  • Recèrca
  • Ressorsas
  • Tot
  • Default
  • Title
  • Date
  • Random
load more / hold SHIFT key to load all load all

Mesa en lutz

Lo Basic en linha !

Lo Basic, navèth lexic elementari francés-occitan deu Congrès.

API deu Congrès

Desvolopatz las vostas aplicacions dab las dadas deu Congrès.

Tresor dóu Felibrige

Lo Tresor dóu Felibrige version numerica amb motor de recèrca.

Basa textuala

Consultatz la basa textuala occitana BaTelÒc.

Taus telefonets

Descargatz dicod'Òc e verb'Òc au vòste telefonet.

Laboratòri

Utís de consultacion avançada deus lexics deu Congrès.

 
Occitan e numeric

Lo dimèrcs 26 de noveme a 17 h au Castèth d'Este de Vilhèra, que's harà la restitucion publica deus tribalhs de la formacion ADEPFO : « Diagnostic e desvolopament numeric de l'occitan - huelha de rota 2015-2019 ».

De la soa creacion enlà, Lo Congrès que desvolopa utís numerics tà la lenga occitana. N'ei pas lo sol, mei anar mei l'occitan que s'espandeish sus Internet o en lo maine numeric. Totun la lenga que pateish un retard màger : aplicacions tau gran public, hialats sociaus, jòcs vidèos, telefonets intelligents, tots que son enjòcs màgers - sustot tà las navèras generacions a qui avem de transméter la lenga - e l'obrador qu'ei deus bèths.

En per'mor d'aquò Lo Congrès, dab lo sostien de l'ADEPFO (Associacion de desvolopament deus Pirenèus per la formacion) qu'a decidit de miar ua afranquida inedita arron aquera question deu numeric occitan. Atau un vintenat de personas representativas de l'usatge sociau de l'occitan (ensenhament, formacion, institucions, mèdias, Universitat) qu'an miat amassa un estudi de ueit mes dab l'ajuda de dus organismes d'Euskadi : la societat de formacion Media.kom e la fondacion Elhuyar. Qu'an tanben encontrat especialistas de las tecnologias de lengatge tà las lengas basca, catalana, bretona e galesa.

Formacion L'objectiu qu'ei la produccion d'un document-quadre qui serà perpausat a las collectivitats patenàrias entà que sia integrat e hicat en òbra en l'encastre de las politicas lingüisticas publicas. Aqueth document que hè purmèr un diagnostic de l'estat actuau deu numeric occitan en repertoriant çò qui existeish (diccionaris en linha, correctors ortografics, etc.) e puish ua lista deus besonhs en utís e ressorsas : traductors automatics, clavèr predictiu taus telefonets, etc. Aquestes que son repertoriats en ua huelha de rota 2015-2019 dab calendèr tà la lor realizacion.

Qu'ètz envitats au rendut public de l'estudi globau qui serà hèit lo 26 de noveme a 17H a Vilhèra (Castèth d'Este) en preséncia deu President deu Comitat de pilotatge de la formacion ADEPFO, Dàvid Grosclaude, e deus representants deu ministèri de la Cultura e de la comunicacion-DGLFLF e de las collectivitats qui sostienen Lo Congrès.

ADEPFO
media.kom
elhuyar
 

Office public de la langue occitane Ministèri de la Cultura - DGLFLF Région Auvergne-Rhône-Alpes Departament deus Pirenèus-Atlantics Comuna de Tolosa Departament de las Hautas-Pirenèas Département du Tarn Département de la Dordogne POCTEFA Département du Gers Communauté Pays Basque