Los noms occitans de las comunas de las valadas occitanas d’Itàlia son ara disponibles dins Bdtopoc, la basa toponimica de l'IEO. La mapa es ara mai rica de 170 toponims mentre que seguís lo trabalh suls noms dels rius d’Occitània
Dins l’encastre del projècte de l’Institut d’Estudis Occitans, Geoccitània, mancavan los noms de las comunas de las valadas occitanas d’Itàlia. Ara es fait. Los noms son d’ara enlà consultables sul Bdtopoc ont se fa la collècta dels noms geografics occitans. Son en tot 117 comunas mai que se tròban sus la mapa. Se i tròba tanben la part occitana mai luènh del territòri d’Occitània granda a saber La Gàrdia, en Calàbria.
Pauc a pauc la mapa es a se completar amb tanben los noms dels rius. Una crida es faita per que cada persona qu’a la volontat de preservar e transmetre lo nom dels rius occitans pòsca participar a aquel projècte collaboratiu.
