Lo top'Òc qu'ei ua basa de donadas de toponimes occitans. Qu'estó creada tà respóner a la demanda d'ua basa unica qui contieneré tots los toponimes en occitan, tant los deu territòri com los noms de país e de vilas internacionaus.

Nombrós tribalhs que son estats miats tà identificar e estabilizar las formas deus noms de lòcs au par de las evolucions istoricas, de las realitats sociolinguisticas e deus encastres de las politicas lingüisticas :

 - País e vilas deu monde (hont : InÒc Aquitània) ;

- Comunas d'Aquitània (hont : InÒc Aquitània) ;

- Comunas de Mieidia-Pirenèus (hont : Centre de ressorsas Occitanas e Meridionaus) ;

- Comunas e lòcs-dits de Dordonha (hont : Novelum-IEO 24).

Lo Congrès qu'ensaja de recampà'us dens un sol utís. Lo top'Òc que contien dejà uns toponimes occitans o internacionaus, e que serà aumentat petit a petit tà viéner çò mei complet possible.