L’Amassada Generau Ordinària deu Congrès que’s debanè lo 23 de mai a l’Ostau d’Occitania a Tolosa. Lo President deu Congrès, Gilabèrt Mercadièr, qu’arcuelhè los navèths sòcis : après lo departament deras Hautas-Pirenèas l’an passat, lo collègi de las collectivitats territoriaus que s’ei alargat augan dab lo departament deus Pirenèus-Atlantics e la Comuna de Tolosa.

Au parat d’aquera amassada, los sòcis que hasón bilanç de l’an 2012 qui avó com heita màger l’aviada deu site internet deu Congrès. Aqueste qu’a ua frequentacion de las bonas dab mei 60 000 visitas après 6 mes d’espleitacion. Lo dicod’Òc, multidiccionari francés-occitan qu’ei d’ara enlà lo diccionari de referéncia sus internet.

Qu’estó presentat tanben en purmèra lo verb’Òc, conjugador automatic occitan : qu’ei la darrèra aplicacion creada a partir d’un tribalh de Patric Sauzet, president deu Conselh lingüistic deu Congrès e desvolopada per Domenge Château-Anaud. Lo verb’Òc que serà en linha abans l’estiu.

Gilabèrt Mercadièr, President deu Congrès, que hè lo punt a l'escadença de l'Amassada Generau :