Lo Congrès permanent de la lenga occitana serà present a l'Estivada que se debanarà del 23 al 27 de julhet a Rodés, en Avairon. Poiretz trobar son espaci al taulièr del CIRDÒC, la mediatèca occitana. Per l'escasença, Lo Congrès presentarà en exclusivitat sas doas aplicacions pels telefonets : lo verb'Òc e lo dicod'Òc. Trobaretz sus nòstre taulièr de flashcòdis per las descargar.

Las doas aplicacions seràn compatiblas amb los telefonets iPhone, Androïd, Blackberry e Windows Phone.

Esitetz pas tanben a venir sus nòstre taulièr per rencontrar la còla del Congrès e descobrir o tornar descobrir los otisses disponibles sus locongres.org.