Oc-a-ton a Vilhèra los 9 e 10 de deceme

Oc-a-ton

L'InÒc Aquitània e lo Congrès que v'invitan a las jornadas contributivas en occitan, Oc-a-ton, organizadas en partenariat dab Wikimedia France, divés 9 e dissabte 10 de deceme de 2016, au Castèth d'Este de Vilhèra (64).

L'objectiu de las duas jornadas que son :
- d'enriquir Wikipèdia en lenga occitana e de har conéisher la diversitat deu patrimòni occitan (dissabte lo 10 de deceme).
- de'vs har descobrir las atrunas qui an la licéncia libra (Wikipèdia, Wikimedia Commons, Wikiccionari, Lingua Libre, divés 9 de deceme, seguit d'un aperitiu-cantèra),
- de'vs formar a la contribucion tad aqueras atrunas (dissabte 10 de deceme).

Un eveniment contributiu, conviviau e a gratis. Que v'i esperam tots dab la comunautat occitana de Wikipèdia :

> MUSICIANS, CANTAIRES, DANÇAIRES...
Partatjatz las vòstas coneishenças e practicas en escrivent articles Wikipèdia !

> JORNALISTAS, WEBMÈSTES, FOTOGRAFES...
Descobritz e/o enriquitz la banca d'imatges e de multimedia a gratis Wikimedia commons !

> OCCITANOFÒNES, PASSIONATS, CURIÓS...
Aprenetz a utilizar lo Wikiccionari o practicar la lenga en tradusint Wikipèdia !
Enregistratz-ve tà enriquir la banca audio en occitan de Lingua Libre !