Adishatz monde deu Bearn ! Webtele de Pau estant

Webtele de Pau estant

« La Chaîne Locale » qu'ei un canau locau en linha e en dirècte a Pau, pendent l'embarrament.

Tot ser, de 17 h a 19 h, que podem arretrobar en dirècte « Bonsoir le Béarn ! », ua emission de television quotidiana participativa entà tornar apressar los biarnés pendent l'embarrament. La societat Créasud qu'avia aquera emission entà parlar aus biarnés (e hà'us parlar) mentre que deven demorar a casa.

La Ciutat qu'estó sollicitada entà perpausar un encart a la lenga e cultura deu Bearn. A l'aviada, lo 19/03/20, qu'estó lo Joan Brèç Brana, deu Congrès, qui presentè la soa rubrica "Adishatz monde deu Bearn". Un espaci qui arrepresenta la veirina lingüistica e culturau deu Bearn dab enter autas causas contienguts vidèos hornits peus sòcis divèrs de la Ciutat. Enter aquestes contributors, que podem d'ara enlà anonçar la participacion d’ÒC Tele, deu CIRDÒC – Institut occitan de cultura, Collectiu Ça’i, Hart Brut, Pagans, Carnaval Biarnés, Hestiv’Òc... un ahar de seguir, donc.

Ua iniciativa de las interessantas qui permet aus biarnés de n'apréner drin mei sus eths medishs en aqueth periòde tant particulara, qui desmultiplica los supòrts a distància !