Meetup tocant la sintèsi vocau en occitan

Meetup Machine Learning Pau

Dimèrcs lo 18 de noveme a 18 h 30, Lo Congrès e Elhuyar que presentaràn lo lor tribalh tà çò de la sintèsi vocau en occitan au parat d'un Meetup en linha.

Aqueth eveniment que's hè dens l'encastre deus Meetup Machine Learning Pau, encontres taus professionaus de Pau e deus entorns, qui a lo tèma de l'intelligéncia artificiau e la sciéncia de las dadas.

Aure Séguier, responsabla de projèctes TAL au Congrès, e Igor Leturia, coordinator deu departament de las tecnologias de la paraula a Elhuyar, qu'intervieneràn tà presentar lo projècte de sintèsi vocau en occitan. Que i explicaràn quin tienón tres desfís :

• Alimentar l'intelligéncia artificiau dens un contèxte de lenga qui a pauc de dadas ;
• Har compte de la varietat de la lenga ;
• Gerir la prononciacion deus noms pròpis pas occitans.

L'eveniment que's harà en linha e tot cadun que i pòt assistir.

Tà'n saber mei