Universitat occitana de La Guépia 2021

Universitat occitana de La Guépia 2021

Si las condicions sanitàrias o permeton, se debanarà del 12 al 19 de julhet, totjorn organizada per l’associacion Lenga Viva.

L’Universitat occitana d’estiu de La Guépia es un luòc e un temps d’ensenhament, d’animacion, d’estudi, mas es tanben, una endevenença mannada de rencontres (e de convèrsas) improbables endacòm mai : los escolans dels corses pòdon parlar amb d’occitanofònes naturals del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta encontra la cultura populara, los estrangièrs encontran los del país sus de questions d’istòria e patrimòni. Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, amb la consciéncia d’aprestar, en primadièrs, l’avenir del país.

Serà tanben l’escasença de participar al concors d’istòrias de pesca e de caça en lenga d’òc, qu’aurà luòc lo dimenge 18 de julhet, amb mantuns prèmis dont lo primièr es de 500 euros.