45na Universitat occitana d’estiu a Nimes

45na UOE a Nimes

L’Universitat occitana d’estiu (UOE) 2021 aurà luòc a l’ostal Diocesan de Nimes del 10 al 13 de julhet sul tèma : Quinas evolucions dins la relacion entre l'òme e l'animal ?

L'animal, dometge, salvatge, imaginari, serà al centre del tèma de l'Universitat d'aqueste an : cossí evoluisson nòstras relacions a l'animal per lo trabalh, los lésers, l'alimentacion, las cresenças... ? dins la collaboracion, lo respècte, l'afrontament, la paur o la veneracion. Diferents especialistas vendràn balhar lors testimònis, lors analisis.

Qualques eveniments son jà coneguts :

  • Lo dissabte 10 de julhet, podretz ausir Josiana UBAUD nos parlar de Plantas preferidas del bestiari salvatge et plantas medicinalas per lo bestiari
  • Lo dimenge 11 de julhet : Lo bestiari dins la literatura d'oc per Maria Joana VERNY
  • Lo diluns 12 de julhet : Margot CONSTANS evocarà Des oiseaux et des hommes, la fauconnerie au XIIe siècle
  • Lo dimars 13 de julhet : Jean-Noel PELEN presentarà Le rapport entre les sociétés rurales traditionnelles et le sauvage enchanté, seguit lo ser per un balèti a la votz (benlèu assetats...) del grop CANTO LOU !