Letra de ligason :

Desparescuda d’Anna Maria Poggio

Desparescuda d’Anna Maria Poggio

A la fin del mes passat, nos daissèt Anna Maria Poggio, militanta incontornabla de l’occitanisme en Provença e d’Occitània tota.

Tre las annadas 60 foguèt benevòla a l’Institut d’Estudis Occitans, ont ocupèt mai tard responsabilitats bèlas al burèu : animèt regularament los Rescontres occitans de Provença e, coma pòrtaparaula de la Coordinacion « Anem òc ! Per la lenga occitana », participèt bravament a l’organizacion de las grandas manifestacions per l’occitan.

Son engatjament nos mancarà fòrça. Lo Congrès permanent de la lenga occitana presenta a sa familha sas condolenças.