Jornadas del patrimòni al CIRDÒC

Journées du patrimoine

Las jornadas europèas del patrimòni se faràn ongan los 20 e 21 de setembre. Lo tèma ne serà : « Patrimòni cultural – patrimòni natural ». L'occitan i serà present en mantun endreit, per exemple al CIRDÒC.

La mediatèca occitana a causit de trabalhar ongan a l'entorn del centenari de la Primièra Guèrra mondiala. Prepausarà tota la dimenjada visitas comentadas de l'exposicion Lenga(s) de guèrra, visitas de las laissas de sas resèrvas e representacions de l'espectacle I a tant de causas de dire de Dominique Lautré (Cie Le Chariot).

Podètz trobar lo programa complet de las jornadas del patrimòni al CIRDÒC sul site de la mediatèca.