Se formar per ensenhar a Calandreta

Jurada

S’avètz l’enveja d’ensenhar dins una Calandreta (ensenhament immersiu) es lo moment de vos interessar a la Jurada 2018.

Es pas un concors mas un temps d’avaloracion de las competéncias e de las motivacions d’aqueles que candidatan per dintrar en formacion al Centre Aprene, lo lòc ont se fòrman los futurs regents de Calandreta

La Jurada se fa en dos temps. Primièr, es un oral que se debana los 11 e 12 de junh. La jurada i pren la mesura de las competéncias del candidat e l’escota a prepaus de son projècte professional ; respond tanben a las questions que el, se pòt pausar sus Calandreta.

Los que seràn retenguts seràn convidats per un escriut  lo 20 de junh.

Per se preparar es possible d’anar veire d’exemples de subjèctes donats a las espròvas escriutas e de dispausar d’una bibliografia pertocant l’ensenhament immersiu e la pedagogia practicada a Calandreta