La Bona Annada 2019 de l'InÒc Aquitània

Bona Annada 2019

L'InÒc Aquitània qu'aviè la soa campanha de « Bona Annada » 2019 dab ua aficha hòrt colorada.

Despuish 2003, l'Inòc Aquitània que perpausa ua campanha de sensiblizacion a la lenga occitana arron las hèstas de Nadau dab ua aficha de « Bona annada ». La tòca qu'ei d'afichar la lenga per las arruas entà tocar un public mei larg, tà que lo monde e s'interèssen a la lenga.

Augan, qu'ei la creacion grafica d'Ana-Sofia Carpousis qui estó retienuda au demiei d'un detzenat d'autas perpausicions d'estudiants de l'Escòla Superiora d'Art deus Pirenèus. Que's vòu un perlongament de la reflexion començada l'an passat sus l'identitat visuau e l'identitat regionau.

Las colors luminosas que balhan un rendut explosiu e que difusan un messatge gaujós a l'entorn de la representacion de la lenga e la cultura occitanas.

La campanha « Bona Annada » qu'ei un milierat d'afichas e de cartas de vòts distribuidas e 35 000 Cart'Com.

Lo tribalh d'Ana-Sofia atau com lo de tots los estudiants qu'estó expausat lo 22 de genèr au parat de la serada de vòts tà l'annada de 2019 de l'Institut au Castèth d'Este de Vilhèra.