Programa LINGUATEC : enregistrament tà la sintèsi vocau

Sintèsi vocau

Dens lo quadre de Linguatec, programa europèu de desvolopament de las tecnologias tà las lengas deus Pirenèus (dab lo sostien de la Communauté de Travail des Pyrénées/Comunidad de Trabajo de los Pirineos), lo Congrès qu'enregistrè ua purmèra votz tèst en gascon tà la sintèsi vocau en occitan (tecnologia utilizada en los GPS, transpòrts publics, esmartfònes, etc.).

 Au cap deu mes de junh, après ua setmana intensiva de tribalh de Domenja Lekuona, qui'ns prèsta la votz, de Philippe Boula de Mareüil deu LIMSI, tà l'enquadrament deu tractament lingüistic de las dadas e deus tecnicians deu Congrès, la sintèsi vocau qu’ei entrada adara en la soa fasa de pòst-tractament de las dadas, tribalh tostemps seguit peus linguistas sòcis deu Congrès.

Que son haut o baish 7 òras de dadas linguisticas qui’s podón atau enregistrar e qui, un còp alinhat lo materiau audio e linguistic, poderàn passar la fasa seguenta de tractament peus hialats neuronaus, tecnologia partatjada dab l’institucion sòcia Elhuyar, encargada de la lenga basca. Que seguirà pro viste lo tribalh equivalent entà la version lengadociana de la sintèsi vocau en occitan. Un programa de seguir.