Enregistrament de la sintèsi vocala en occitan lengadocian

sintèsi vocala lengadocian

Pendent lo mes genièr e febrièr, aprèp 6 jorns de trabalh intensiu amb lo jornalista Clamenç Alet que nos prestèt sa votz,

avèm tot lo materiau necessari per començar lo pòst-tractament de las donadas : descopatge, alinhament del tèxte, melhorament del fonetizaire, e alinhament del tèxte fonetizat.

Dins lo detalh, sus un còrpus total de mai de 16 000 frasas, n'avèm enregistrat aperaquí 6 500 qu'aubedissián a las meteissas règlas que per sa version gascona (en tèrmis de nombre de frasas interrogativas, de difònes particulars, de mots franceses, etc.). Estimam un total d'aperaquí 7 a 8 h d'enregistrament audio net (sens las pausas), siá sensiblament autant coma per la sintèsi vocala en occitan gascon.

La fasi recenta de tèst pel gascon nos servirà fòrça per un pòst-tractament mai eficaç, anticipar dificultats eventualas e fornir un rendut de qualitat al mai lèu.