Benaset Dazeas a Cara e Cara

Cara e Cara : Benaset Dazéas

OCtele que torna aviar la soa emission Cara e Cara. Tà la purmèra de la navèra formula, qu'invitè a Benaset Dazeas, director deu Congrès, a i presentar l'estructura e los sons tribalhs.

Miat per las questions de Clamenç Pech, que tornè sus l'istoric e las missions deu Congrès e la redaccion de la huelha de rota tau desvolopament deu numeric occitan.

Que presentè utís deu Congrès com lo dicod'Òc, lo vèrb'Òc o los clavèrs predictius. Qu'expliquè lo projècte Linguatec qui a per prètzhèit de desvolopar la traduccion automatica e la sintèsi vocau en occitan. Enfin, que parlè deus projèctes a viéner, com lo d'ua aplicacion unica dab foncionalitats multiplas (diccionari de traduccions, de definicions, d'expressions, de sinonimes, de rimas, conjugator, ajuda gramaticau...).