Filme del CNRS suls Parlars del Creissent

Filme suls Parlars del Creissent

Existís en França un territòri singular qu’apelam lo Creissent, que cor lo long del massís central dempuèi l’oèst del Lemosin fins a l’èst d’Auvèrhne.

Aquel territòri es delimitat al nòrd per la zòna de las lengas d’oïl dont fa partida lo francés, e al sud per la zòna on se parla tradicionalament l’occitan, o lenga d’òc.

En 2017, un vintenat de cercaires, per la màger part del CNRS, s’aplègan a l’entorn d’un projècte multidisciplinari de l’ANR Les parlers du Croissant, amb la mira de documentar, mentre que se pòt encara, aquel patrimòni lingüistic.

Al demièg d’eles, Nicolas Quint, cercaire del LLACAN, Maximilien Guérin, postdoctorant, e Amélie Deparis, cartografa, s'afanan a reculhir los parlars del Creissent dins lo mai grand nombre de comunas.

Mas los locutors son de mens en mens numerós, aqueles parlars desapareisson. Lo temps prèssa.