Letra de ligason :

Campanha Bona annada 2022

Bona annada 2022

La campanha « Bona annada » de 2022 qu'ei aviada. Qu'a per prètzhèit de desirar la bona annada en lenga occitana a tots, que sàpian la lenga o non, que sian d'ací o d'aulhors.

Qu'ei miada peu pòle Lenga & societat deu Congrès, en aliança dab lo CIRDOC-Institut occitan de cultura e l'Escòla superiora d'art e de design de Pau, dab l'ajuda de l'Ofici public de la lenga occitana e deu Departament deus Pirenèus-Atlantics.

Augan, lo visuau qu'estó realizat per Aurore Tajan, estudianta de l'ESAD de Pau. Qu'ei hèra dinamic e qu'illustra l'arreproèr « Entà senta Luça, lo dia que creish d'un saut de puça. Entà Nadau, d'un saut de brau. Entau purmèr de l'an, los dias qu'alongan d'un volet de hasan. »

Dus kits que son mes a disposicion deus qui volerén desirar la bona annada en lenga nosta : un kit d'impression, dab afichas dab diferents formats e ua carta postau, e un kit numeric, dab bandèus taus hialats sociaus, un imatge carrat, un imatge au format « story » e ua video.

Kit d'impression :

Teledescargar lo kit d'impression sancèr

Kit numeric :

Teledescargar lo kit numeric sancèr