La jornada d'estudis a l'entorn de Leon Còrdas sus Occitanica

Leon Còrdas sus Occitanica

Lo CIRDÒC a realizat una captacion sonòra de la jornada d'estudis consacrada a Leon Còrdas, organizada lo 22 de novembre de 2013 per RedÒc, la compausanta del laboratòri de recèrca LLACS de l'Universitat Montpellier III. La prepausa a l'escota sus Occitanica.

La tòca d'aquela jornada èra de far conéisser melhor aquel escrivan, òme de teatre e militant menerbés. Uèit intervenents abordèron aqueles divèrses aspèctes de Leon Còrdas e Los Barrutlaires interpretèron d'unes de sos poèmas. Podètz tornar escotar tot aquò sul site de la mediatèca numerica Occitanica.