Campanha de Bona annada 2015 de l'InÒc

Bona annada 2015

Com tots ans, l'InÒc Aquitània que s'i torna dab la soa campanha d'afichatge « Bona annada ». Com tots ans, la lenga occitana que serà atau socializada mercés a un messatge simple e amistós, lo deus vòts de la bona annada.

De 2003 enlà, l'associacion que perpausa un visuau a diferents partenaris publics e privats tà har los lors vòts en occitan.

Augan, qu'a causit de har un clinhet a un espleit scientific de l'actualitat, la mesa en orbita de la sonda Rosetta arron la cometa 67P Churyumov-Gerasimenko.

Que trobaratz lo visuau en granda talha, ua petita vidèo e tots los explics sus la campanha « Bona annada » suu site de l'InÒc d'Aquitània.