Estivada de Rodés de 2015

Estivada

Ongan Estivada, lo festenal interregional de las culturas occitanas, se debanarà a Rodés del 22 al 25 de julhet. D'unas estructuras sòcias del Congrès i seràn presentas.

Lo CIRDÒC i organizarà cada jorn sus son espaci de conferéncias e de debats. Lo dijòus 23, prepausarà un encontre titolat : « Occitània - Catalonha - Balearas : un espaci cultural a (tornar) bastir ? ». L'endeman, i aurà de presentacions d'obratges e un debat sul tèma « Istoriografias occitanas d'uèi : Los trobadors, la Guèrra Granda, la Retirada, l'occitan a l'escòla », atal coma un rencontre amb l'illustrator Jean-Marc Simeonin. Enfin lo dissabte 25, presentarà las actualitats de l'edicion en occitan.

Lo CFPO prepausarà el cada jorn de talhièrs sus son taulièr : a 11 h descobèrta de l'occitan, a 18 h cosina e aperitiu-cantèra.

Calandreta serà ela tanben presenta. La Calandreta de Rodés e la còla d'Estivada ofrisson ongan un estagi pels mainatges titolat « Dròlles d'Estivada ». I aurà quatre après-miègjorn pendent los quals los enfants faràn d'activitats artisticas (dança, musica, teatre, dessenh) e de descobèrta del còr del festenal (rencontre amb un artista, visita de las colissas, entrevista ràdio...).

D'autras estructuras, coma l'IEO, auràn lor taulièr al vilatge occitan e i presentaràn lor activitat.