Lo Vèrb’Òc gascon aumentat

Vèrb'Òc gascon aumentat

Lo monde de tots los cantons de Gasconha be pòden arregaudí's : lo vèrb'Òc gascon aumentat qu'includeish d'ara enlà las fòrmas localizadas de conjugason en gascon.

Aqueste tribalh qu'ei basat sus las fichas de gramatica d'Alain Viaut e Andriu Bianchi ("Fiches de grammaire d'occitan gascon normé vol.1), qui s'emparèn enter autas sus las fòrmas collectadas de l'Atlas Lingüistic de Gasconha. Transcriuts en format .pdf, los tablèus deu lor precís gramaticau que balhan explics mei atau com las fòrmas localizadas per cada tipe de conjugason.

Com exemple, qu'arretrobaratz fòrmas deu preterit en -èr- (cantèri, cantères...), fòrmas deu futur/condicionau deu sud deu domeni gascon (beverèi, beveràs... crederé, crederem...), mes tanben fòrmas particularas deus vèrbes deu 2au grop, tipe "causir" (causeishèvas / causissèvas, causiscós, causires...) o enqüèra vèrbes iperirregulars, com "anar" (angós, angueràs, angosses...)

Que'us podetz arretrobar tots devath lo títol "Autas formas", abaish de la conjugason normalizada deu vèrb'Òc suu site internet, ad aquera adreça : https://locongres.org/oc/aplicacions/verb-oc/verboc-recerca