ReVOc Classas en linha

ReVOc Classas

Balhatz la votz taus escolans en occitan !

Com ja sabetz, lo mes passat Lo Congrès qu'aviè lo programa ReVOc, dab la soa plataforma contributiva.

Entà har compte de la diversitat deus atges, e après la demanda qui ns’estó formulada, que ns’aparí que calè desvolopar ua plataforma similara mei dirigida a un public mei especific : los escolans. En efèit, la plataforma que pòt tot parièr estar un supòrt deus hòrts utiles entà desvolopar las competéncias numericas, l’orau, la relacion grafia/fonia, que sia a l’escòla o de casa enlà. Que pòrta ua motivacion vertadèra tà la produccion de l’orau atau com ua solucion de las concretas entà assegurar la continuitat pedagogica de l’orau en occitan qui tant e hè hrèita.

Après ua purmèra fasa de tèst e mantuns essais, que’vs presentam adara la plataforma ReVOc Classas, qui a l’especificitat d’aver ua entrada « tot utilizator » (regent com escolans) e ua complementària d’« administrator » dab la quau tot professor e pòt gerir tots los paramètres com teledescargar los fichièrs, ajustar/suprimir escolans, véder las estatisticas, etc.

Entà facilitar la presa en man, qu’avem apitat ua pagina especiau d’ajuda, dab tutoriaus bracs en video :

Si ac voletz véder tot d’un còp, qu’avetz autanplan lo tutoriau sancèr de la presa en man de ReVOc Classas :

  • Tutoriau sancèr de ReVOc Classas :

Fin finala, entà acompanhar pedagogicament aquesta aviada, que’vs perpausam quauquas ideas d'espleitacions pedagogicas entà la classa :

N’esitetz pas tanpòc a’ns contactar si desiratz qu’un tecnician deu Congrès e vienga har ua presentacion deu dispositiu ReVOc en classa :

O per telefòne, au : 05 59 13 06 40.