La Comunautat d’Aglomeracion País Basco que va finançar ua politica lingüistica entà l'occitan

communauté d'agglomération Pays Basque

La Comunautat d'aglomeracion País Basco que votè lo 16 de març passat la presa de competéncia tà « l'occitan gascon » e un purmèr programa de politica lingüistica.

Aqueste que's desvoloparà a l'entorn de 3 èishs : transmission de la lenga e de la cultura (desvolopament de l'ensenhament, sensibilizacion, formacion taus adultes), difusion de la lenga (preséncia de la lenga en l'espaci public, en las administracions comunaus) e desvolopament culturau (ajuda a la produccion, sostien aus operators e aus actors culturaus).

Tad aquò har, la CA País Basco, qui preved un purmèr budget de 50 000 €, que recrutè un encargat de mission e que s'empararà sus operators, dont lo Congrès qui aviè dejà tà la CA País Basco un programa de restitucion de las fòrmas occitanas deus noms de comunas e de carrèras (dens l'encastre de la mesa en plaça de la fibra optica).

La Comunautat d'aglomeracion País Basco qu'a duas lengas territoriaus, lo basco e l'occitan gascon qui pertòca un quinzenat de comunas de Baish Ador (dont Baiona). La darrèra enquista sociolingüistica deu Departament deus Pirenèus Atlantics qu'amuisha que son 5% deus poblants de Baish Ador qui parlan la lenga, 7% qui la comprenen e 78% qui son estacats a l'occitan gascon e favorables au son desvolopament.