Vòte d'Iniciativa dus au CD64

Vòte d'Iniciativa dus au CD64

Lo 20 de deceme passat lo Conselh departementau deus Pirenèus Atlantics que votè lo son navèth esquèma d'amainatjament lingüistic tà l'occitan, "Iniciativa 2".

Com ac ditz lo nom, qu'ei la seguida d'ua purmèra programacion, Iniciativa, engatjada en 2005, e lo Departament qu'a volut aviar ua dinamica navèra dab los actors institucionaus e associatius qui estón associats en amont tà ua fasa d'escambis, d'evaluacion de çò qui existeish e la definicion d'èishs prioritaris. Aquestes que son quate :

  • Ensenhar e educar en lenga,
  • Renovar las estrategias de desvolopament deus mèdias e de produccion numerica e audiovisuau,
  • Difusar la lenga peu Departament,
  • Cooperar institucionaument

Au miei de las divèrsas accions, qu'an previst un batent tà çò de la produccion e de la difusion d'utís e de la transmission de la lenga, notadament la produccion d'utís de regulacion lingüistica.

De notar que's votè tanben la causida deu nom de la lenga cap a la comunicacion publica (occitan) en tot arrespectar de hornir la soa denominacion territorializada a cada còp que se'n hè l'usatge. De mei, la causida de la grafia normalizada, comuna a l'Educacion Nacionau e tots los establiments escolars deus Pirenèus Atlantics, qu'estó actada.

Tà'n saber mei :