Mobilizacion Per Que Viscan Nòstras Lengas

Mobilizacion per que viscan nòstras lengas

Lo dissabte 10 d'octobre, las manifestacions foguèron nombrosas en Occitania e endacòm mai per defendre l'ensenhament de las lengas de França.

Lo collectiu Pour Que Vivent Nos Langues aviá sonat a manifestar per denonciar los efièits catastrofics de la reforma del licèu e del Plan lengas de 2019 sus l'ensenhament de las lengas regionalas. Elegits, ensenhaires, escolans, parents d'escolans, representants associatius, sindicats, amassats dins mantuna ciutat de França, demandèron un estatut per las lengas regionalas, l'extension de lor ensenhament e lor desvolopament dins l'espaci public.

I aguèt un quarantenat de manifestacions mai sul territòri occitan. Los actors bascos, bretons, alsacians, còrses e catalans se mobilizèron tanben.