La region Navèra Aquitània que s'inquièta tà çò de l’ensenhament de las lengas regionaus

Comunicat region Navèra Aquitània

De la region Navèra Aquitània estant, que’s publiquè un comunicat de premsa trilingüe (occitan, basco e francés) lo dijaus 14 de genèr passat entà har publica la realitat territoriau de l’ensenhament de l’occitan e deu basco dens la region.

Que s’i denóncia enter autas causas – a maugrat las declaracions deu ministre de l’Educacion nacionau Jean-Michel Blanquer qui assolida que lo sistèma educatiu francés « n’ei pas ostile a las lengas regionaus » – « qu’ei tota auta la realitat en region Navèra Aquitània ».

En efèit, que tornan préner las chifras deus quites rectorats entà senhalar « ua ahonida deus efectius » e que’n concluden naturaument que « la mesa en òbra de la refòrma deu licèu qu’a brutaument desvalorat l’atractivitat de l’ensenhament de l’occitan e deu basco ».

Fin finala, tornada formular qu’ei la demanda que « tanlèu adara un esmendament e sia aportat a la refòrma deu bachelierat ».