Letra de ligason :

PLAN CULTURA VIVA de la Region Occitània

PLAN CULTURA VIVA

Mobilizem-nos per l’avenir de nòstras lengas occitana e catalana !

Amb la Region Occitània, engatgem-nos per far de nòstras lengas e de nòstras culturas occitana e catalana un projècte comun.

Perqué se mobilizar per l'occitan e lo catalan ?

  • Perque aquelas lengas son sinonimas d'obertura, d'egalitat e de respècte de las diferéncias ;
  • Perque permeton de levar tot tipe de frontièras ;
  • Perque desvelhan la curiositat per las autras lengas ;
  • Perque son portairas d'experiéncias creativas ;
  • Perque son fonts d'atractivitat e de desvolopament duradís ;
  • Perque participan a la radiacion culturala de nòstra region ;
  • Perque son las lengas istoricas de nòstres territòris ;
  • Perque son associadas a de practicas e de saber- fars de proximitat ;
  • Perque son menaçadas de desaparéisser.

Lo plan Cultura viva, qu'es aquò ?

Vertadièra fuèlha de rota de la Region Occitània per l'avenidor de l'occitan e del catalan, aquel document marcarà la volontat de desvolopar un apròchi global e transversal de las lengas e culturas occitana e catalana. Concretament, s'agirà de valorizar e afortir de politicas existentas o emergentas, mas tanben de lançar de novèlas iniciativas mai susceptiblas de metre en movement la societat e de favorizar las collaboracions suls territòris.

Coma contribuïr al plan Cultura viva ?

A la prima 2022, la Region Occitània lança una demarcha de concertacion al près de totes los que fan viure nòstra region per reculhir lors proposicions per tal d'enriquir lo plan Cultura viva e que siá lo de totes los abitants d'Occitània / Pirenèus-Mediterranèa.

Qual es lo calendari de la concertacion ?

Mai 2022 : fasa d'enquèsta al près dels ciutadans e dels actors economics, culturals e politics.

  • Enquèsta 15/18 ans
  • Enquèsta grand public

Mai a julhet de 2022 : fasa de co-construccion en talhièrs. Las responsas de l'enquèsta permetràn d'alimentar aquestes talhièrs. Marcatz-vos per participar als talhièrs territorials sus cadun dels 13 departaments :

  • Tarn – dimècres 25 de mai
  • Pirenèus Orientals – 1 de junh
  • Aude – 15 de junh
  • Erau – 18 de junh
  • Losera – 6 de julhet
  • Autres departaments : ligams d'inscripcion a venir

Juillet 2022 : fasa de vòte ciutadan a l'entorn de las proposicions d'accions del Plan Cultura viva sul site laregioncitoyenne.fr

Mercés per vòstra contribucion