4au edicion de l'aperet a projècte De cap tau monde !, de la CAPB
La 4au edicion de l'aperet a projèctes De cap tau monde ! qu'es relançada per la Comunautat País Basco, entà sostiéner los projèctes qui contribueishen a la transmission e a la difusion de la lenga occitana gascona.
Atau, 25 000 euros que seràn atribuïts a projèctes portats per enterpresas, associacions, o tot aute operator privat desirós d’apitar un projècte en favor de la transmission o de la difusion de l'occitan gascon.
Atau, l'an passat, cinc laureats qu'estón sostienuts entà la difusion de reportatges radiofonics en occitan, programas bracs sus un webmèdia occitan, espectacles a destinacion deus joens, cors de lenga, etc.
Las condicions de participacion
Entà participar ad aquesta edicion 2023, las condicions que’n son simplas : los projèctes que's deven debanar suu territòri de la Comunautat País Basco e presentar ua dimension intercomunau. Que deven estar autofinançadas per un minimum de 30 %. Lo lor caractèr duradís (a saber l'impacte environamentau e sociau) que serà particularament valorizat.
Com estar candidat ?
L'Aperet a projèctes qu’es obèrt a comptar deu 1èr de deceme. Lo dossièr complet de candidatura a l'aperet a projèctes De cap tau monde ! que deu arribar au format numeric a l'adreça seguenta : decaptaumonde@communaute-paysbasque.fr au mei tard lo 27 de genèr de 2023.
Un comitat de pilotatge qu'elaborarà las proposicions de finançament qui seràn sosmetudas au vòte d'un Conselh permanent pendent lo 1èr semèstre de 2023.
