Lo novèl esquèma regional de desvolopament de l'occitan en Miègjorn-Pirenèus, adoptat en decembre passat en amassada plenièra, cobrís lo periòde de 2015 a 2020 e perlonga lo tèxte precedent, adoptat en 2007.
Lo Conselh regionau d'Aquitània, au parat de la Comission permanenta deu 2 de març passat, que tornè afirmar lo son sostien a la lenga occitana. Despuish 2004, la Region qu'ei engatjada dens ua politica lingüistica volontarista sus l'ensemble deu son territòri.
Los futurs estudiants de Master d'Aquitània e de Mieidia-Pirenèus, dab los ensenhaires monolingües d'Aquitània qui's volhan formar tà ensenhar en occitan, que pòden postular tà las borsas « Ensenhar » prepausadas per las duas Regions.
Lo Conselh regionau d'Aquitània que hasó la soa Amassada annau lo divés 19 de deceme. Aquera assemblada plenèra qu'a per tòca ua concertacion regionau enter actors publics e privats, l'elaboracion d'un esquèma regionau d'amainatjament lingüistic e la cooperacion interregionau.
Dempuèi novembre passat, l'occitan es la quatrena lenga oficiala de l'Euroregion Pirenèus-Mediterranèa amb lo catalan, lo francés e lo castelhan.
Lo 25 de julhet passat, au parat de l'Estivada - hestau interregionau de las culturas occitanas, Guilhèm Latruvèrsa, conselhèr regionau de Mieidia-Pirenèus, e Dàvid Grosclaude, conselhèr regionau d'Aquitània, que presentèn l'Ofici public de la lenga occitana (OLPLO) aus operators.
