Mediatizacion deu Palay

Mediatizacion deu Palay

Que sia per la premsa, o en conferéncias batalèras o animadas en librerias o hitas de cultura, la navèra edicion deu Dictionnaire du Béarnais et du Gascon modernes de Simin Palay, coeditat per las edicions Reclams e lo Congrès permanent de la lenga occitana, que hè parlar d'era.

Que se'n hasó ua presentacion artistica, dab la participacion deu Joan Francés Tisnèr, a Salias lo 21 de heurèr a la libreria "Le Moment Librairie", e ua auta qu'ei prevista ulteriorament a la libreria "L'Escapade" a Auloron Senta Maria.

Qu'estó au centre d'ua conferéncia mei pausada au Parvís deu Leclerc de Pau lo 26 de heurèr e que n'estó autanplan lo dijaus 19 de març a Sent Gaudenç, en Comenge.

La premsa que se'n hasó lo rebat : ja sia la premsa occitana per Ràdio País o Lo Diari qui dediquè lo son darrèr numèro a las edicions Reclams au parat de la reedicion deu Palay, o la premsa mei generalista com La République des Pyrénées.

Lo darrèr reclam que n'ei lo reportatge hèit per França 3, publicat lo 14/03/20 :