Contes, cants e jòcs cantats en alpin d'Oc e en francés per pichòts e grands – per Andrieu Faure

Publicacion en occitan alpin

Amb l’idèa de salvar e de promòure lo patrimòni immaterial de la lenga d'òc en region alpina, aquel libret vos permetrà de descobrir 21 contes, 23 cants e 11 jòcs cantats en occitan alpin, que faràn lo bonaür, o esperam, dels pichòts e dels grands.

Los tèxtes son en occitan e una traduccion en francés es prepausada.

Los cants e los jòcs cantats son acompanhats de lor particion, çò que farà lo bonaür dels musicians.

Los enregistraments audio son disponibles suls sites Internet del Rescontre Gapian e de la Calandreta Gapiana.

En comprar aquel libre editat per Lo Rescontre Gapian (Gap, Aups Nauts), sostendretz la Calandreta Gapiana Andrieu Faure.