Letra de ligason :

Apèl a comunicacion pels 3ens Rencontres suls Parlars del Creissent

3ens Rencontres suls Parlars del Creissent

Los tresens rencontres suls Parlars del Creissent auràn luòc a Boçac, Cruesa, França, los 7, 8 e 9 d'octobre de 2022.

Seràn presas en consideracion totas las proposicions de comunicacion pertocant los parlars del Creissent (varietats mixtas gallo-romanicas tradicionalament practicadas dins lo Creissent lingüistic, al centre de França) aital coma :

  • los parlars romanics en contacte amb de varietats del Creissent (auvernhat, lemosin, peitavin-sentongés, berrichon, borbonés d'oïl, francoprovençal) o aqueles que son parlats a proximitat de la zòna del Creissent e qu’an de ponches comuns amb los parlars del Creissent. Los participants son particularament encoratjats a prepausar de comunicacions sus las comunas o las comunautats bilinguas (o bivarietalas) ;
  • lo francés regional practicat dins l'aira lingüistica del Creissent ;
  • d'autras disciplinas de las sciéncias umanas (en particular antropologia, etnologia e istòria) del temps que los faches tractats son ancorats geograficament dins la zòna del Creissent lingüistic (per consultar lo perimètre de l'aira del Creissent : https://parlersducroissant.huma-num.fr/projet.html).

Los rencontres de Boçac son obèrts a totes los apròchis en sciéncias del lengatge e encoratjan egalament las proposicions de caractèr interdisciplinari portant suls parlars del Creissent e l'aira lingüistica del Creissent.

Las proposicions pòdon èsser somesas en francés, anglés, occitan, o dins las lengas romanicas seguentas : espanhòl, italian, portugués. Las lengas del collòqui seràn lo francés e l'anglés.

La data limita de somission dels resumits es lo 31 de març de 2022. Los resultats de l'avaloracion dels resumits seràn comunicats lo 15 d'abril de 2022.