Letra de ligason :

Concors literari d’Ací Gasconha : 30au CALAM en GASCON

30au CALAM en GASCON

Ací Gasconha qu’organiza lo son 30au Calam (concors literari en gascon) dont la remesa deus prèmis se debanarà lo dissabte 11 de Junh de 2022 a Anglet.

Entà hestejar aqueth 30au anniversari, la vila d’Anglet qu’auherirà en suplement de las soas duas dotacions abituaus d’un montant de 600 € (prèmi entà un conte o ua novèla en pròsa suu tèma « Arrius en Gasconha ») un prèmi excepcionau de 1500 €.

Las òbras que deuràn estar transmetudas au secretariat deu concors abans lo 2 de Mai de 2022.

Que trobaratz las informacions complementàrias dens lo reglament consultader au site de l’associacion.