Letra de ligason :

« L’occitano dell'alta Valle Stura (CN) », a las Edizione dell'orso

L’occitano dell'alta Valle Stura

Las varietats de la nauta val de la Stura (comunas d’Aisone, Argentera, Pietraporzio e Vinadio) an fach l’objècte d’estudis dempuèi la debuta de l’exploracion lingüistica de las vals occitanofònas de Piemont, mas fins a present i a pas agut de trabalhs tractant de lors particularitats de faiçon organica.

Lo present volum prepausa una descripcion de las principalas estructuras morfologicas que caracterizan aquelas varietats, sus la basa de las nòtas morfologicas qu’Arturo Geme a redigidas abans la redaccion del Diccionari del dialècte occitan de la Val Germanasca (Alessandria, Edizioni dell'Orso, 1997) e qu’an servit de basa a d’autras descripcions mai o mens sinteticas de las varietats occitanas cisalpinas del nòrd. La recèrca e l’organizacion del material segon los critèris de las gramaticas tradicionalas son nascudas e se son desvolopadas dins l’encastre d’una politica lingüistica promoguda per la Comunità (uèi Unione) Montana Valle Stura qu’a implicat de testimònis de caduna de las comunas tractadas aicí. Non solament l’òrdre dels tèmas e l’apròchi descriptiu de basa son estats preservats de l’estructura originala, mas tanben la vocacion populara e “operacionala” de l’obratge. La descripcion morfologica es acompanhada d’un ensag sul quadre lingüistic per Silvia Giordano e Matteo Rivoira, qu’es egalament l’autor del capítol consacrat a la descripcion de l’inventari fonetic-fonologic de las varietats tractadas.