Diccionari ortografic, gramatical e morfologic de l'occitan

Diccionari ortografic, gramatical e morfologic de l'occitan

Aquel diccionari de Josiana Ubaud es lo fruch de sièis annadas de trabalh. Recampa formas centralas e variantas de l'occitan lengadocian, tan eiretat coma modèrne, en abordant totes los camps lexicals, per respondre a totes los publics que demandan una lenga normada e fisabla.

Sas 109 000 intradas intègran totas las preconizacions del CLO (Conselh de la Lenga Occitana) e s'apièjan mai generalament sus las solucions panromanicas en matèria de neologismes e terminologia.

I trobaretz tanben los noms pròpris, una introduccion a la lexicografia occitana e la tièra de las fautas e cauquilhas del diccionari d'Alibèrt. Sas partidas metodologicas e terminologicas pòdon èstre utilas als autres dialèctes e per tot lo lexic pandialectal.