Una colleccion de Livres EMCC consacraa a l'occitan e au francoprovençau

Régionales

Las edicions Livres EMCC venon d'obrir una colleccion titolaa « Régionales ». Dirigiá per Jean-Baptiste Martin, sòci dau Conselh lingüistic dau Congrès, prepausa d'obratges dins o sus las lengas regionalas.

« D'aquelas lengas comunas a nòstras populacions josca au promèir conflicte mondiau, demòran influéncias encara perceptiblas au jorn d'uèi tau coma nombrosas òbras literàrias de tota mena, que las promèiras datan daus sègles XII e XIII, òbras que demandan pas qu'a èstre descubèrtas fòra los mitans universitaris e cèrcles restrents de locutors e d'especialistas », çò explica l'editor sus la pagina d'aquela colleccion.

Los libres son en edicion bilingua o trilingua. Flors daus sucs prepausa per exemple tèxtes en occitan, amb lor reviraa, de 18 autors dau nòrd-èst de Léger Naut. Huit siècles de littérature francoprovençale et occitane en Rhône Alpes recampa ele tèxtes dins las doas lengas en version originala e en francés, amb notícias de presentacion daus autors e de las òbras. Les poilus parlaient patois es ele un recuèlh de documents escriuts sul front, o pendent e après la promèira guèrra mondiala. La colleccion compta tanben Lo Camin deis estèlas, la pastorala de Roger Pasturel, o encara Lou Pouèmo dóu Rose de Frederic Mistral.

Lien : Livres EMCC-Régionales