Plega A tots 2015

Plega A tots 2015

La Plega A tots de 2015 d'IEO Edicions es sortida. Prepausa quatre libres en occitan per 60 €.

Chamin de Copagòrja de Joan Ganhaire conta una enquèsta plan malaisida del comissari Darnaudguilhem. Embarrat dins la bòria de sos parents adoptius après una operacion del genolh, encontra un dròlle que sòrt de sèt ans de preson per un murtre qu'a pas comés. De son lèit de dolor, se lança a la recèrca del vertadièr murtrièr.

La Banda de Jaume Landièr es l'istòria d'una banda que, après qualques suspresas dins son país, va portar sa musica descabestrada de cap al nòrd. Lion, Morzine, Arbois, las fèstas seràn chucosas o amaras. Barlinga barlanga, la Banda arribarà a la Mar del Nòrd.

Merièm o la botelha dins la sabla de Jòrdi Peladan a per eroïna Marevà, una collegiana nimesenca. L’annada escolara acabada, la plaja que ven una cort de recreacion quand amb sos companhs, descobrisson una botelha a mitat enterrada dins la sabla. Una istòria espauruganta, sus fons de prima araba. Comprenon lèu qu’an dins la man lo sòrt de Merièm, una jova tunisiana, victima e presonièra de brigands.

Enfin Nòvas d’autra part de Romièg Jumèu pintra nòstre monde, un monde plen d’èstres estranhs, non pas dragons e unicòrns mas òmes coma vosautres e coma ieu, que lors armas divagan segon de desirs irreversibles e luenchencs.