Crida a comunicacions pel collòqui de la FLAREP

Colloque de la FLAREP

La FELCO fa una crida a comunicacion pel collòqui de la FLAREP que se debanarà del 22 al 24 d'octobre a Montpelhièr e qu'aurà per tematica « Identitat e alteritat. Las lengas regionalas en França. Per una ciutadanetat obèrta ».

Lo dimenge de vèspre serà consacrat a de testimoniatges e experiéncias pedagogicas dins los divèrses domenis lingüistics en talhièrs de trabalh (Experiéncia de pedagogia de projèctes, publicacions pedagogicas). Las presentacions duraràn 10 minutas + 5 minutas d'escambis amb los participants.

Se volètz portar vòstra contribucion, podètz mandar abans la fin del mes d'abril un títol e una petita presentacion (500-1000 signes) a la FELCO.