Au parat de la fusion enter l’InÒc Aquitània e lo CIRDÒC entà vàder un navèth operator regionau entà çò de la cultura, la competéncia lingüistica de l’InÒc que bassacula cap tau Congrès qui arcuelh atau d’ara enlà lo pòle « Lenga e Societat ».
Los segonds rescontres « Les Parlers du Croissant » se debanaràn los 15 e 16 de març a Montluçon (03).
Danís Chapduelh fuguet invitat sus France Bleu per parlar de son chamin personau e professionau a l’entorn de l’occitan. Ne'n profitèt per parlar, entre autras chausas, de son trabalh de lexicografia au dintre dau Congrès.
Reedicion deu recuelh de poèmas d’Emmanuel Delbousquet « Capvath la lana » a las edicions d’Albret-Amis du Vieux-Nérac. Qu’ei lo purmèr còp que lo libe ei tornat editar despuish la soa publicacion postuma per Antonin Perbòsc en 1924.
Los Cinquanta cinc sonets de Shakespeare que venon d’èsser adaptats en occitan.
Lo Cap’Òc que publica « Que’m triga doman ! ». L’obratge que conta l’istòria d’un personatge qui partatja los sons sentits tau son darrèr dia de las vacanças. Qu’imagina quin se debanarà lo son dia de rentrada l’endedia.
