Aqueste guida, concebut per Florian Vernet, lingüista e membre del Conselh lingüistic del Congrès, es una primièra apròcha que poiretz completar per la lectura de son libre Dictionnaire gramatical de l'occitan languedocien. Explica la prononciacion e l'accentuacion de l'occitan, abòrda los acòrds, las conjugasons, los diferents tipes de mots...
La Chambra d'Òc a realizat un otís que lista los toponims de las Valadas Occitanas e Francoprovençalas. Gràcias a un motor de recèrca o a una navigacion geografica, s'i pòdon afichar los toponims dins lor forma locala (grafias classica e de l'Escolo dóu Po), en francoprovençal e en italian, amb lor descripcion istorica e/o etnografica, significacion, descripcion geografica e georeferenciament.
Lo CIRDOC lancèt en 2009 la produccion d'un fulheton radiofonic en occitan titolat Lo viatge de Joana. Es estat registrat per Gargamela-théâtre e conta l'istòria d'una tanturla a la retirada. Après aver recebut un eretatge, partís als Estats-Units, amb una joventa que cèrca un trabalh, per anar retrobar Rémy, un amic d'enfància. Totes los episòdis se pòdon ausir sus Occitanica, amb lor transcripcion occitana e lor traduccion francesa.
L'InÒc-Aquitània que ven de tornar har lo son site Internet. Que trobaratz uei a l'adreça www.in-oc.org un site mei modèrne, mei practic e mei ergonomic.
Lo Congrès de l'Associacion Internacionala d'Estudis Occitans de 2014 se tendrà a Lhèida del 16 al 21 de junh. Se farà sul tèma « Los estudis occitans : de tempses novèls, de novèlas perspectivas ». Permet dempuèi mai de 20 ans de portar lo lum sul trabalh de la comunitat scientifica occitana. Ajuda tanben los escambis entre cercaires que s'interèssan a l'occitan a un nivèl internacional.
Los darrièrs dos volums del Diccionari francés-occitan segon lo lengadocian de Cristian Rapin son a mand d'èstre publicats. Lor parucion en cò d'IEO-edicions es prevista per l'auton de 2013. Podètz reservar aqueles tòms e beneficiar d'una ofèrta de soscripcion fins al 15 de setembre.
