Lo Conselh deus usatgèrs deu Congrès que s'amassarà peu prumèr còp lo 29 de mai. Aqueste qu'ei un deus Conselhs assessors deu Congrès - dab lo Conselh lingüistic, e qu'ei compausat d'un quinzenat de membres representatius de las institucions e associacions qui transmeten e utilizan la lenga – ensenhaires, escrivans, jornalistas, institucionaus, etc.
L’Amassada Generau Ordinària deu Congrès que’s debanè lo 23 de mai a l’Ostau d’Occitania a Tolosa. Lo President deu Congrès, Gilabèrt Mercadièr, qu’arcuelhè los navèths sòcis : après lo departament deras Hautas-Pirenèas l’an passat, lo collègi de las collectivitats territoriaus que s’ei alargat augan dab lo departament deus Pirenèus-Atlantics e la Comuna de Tolosa.
Elhuyar qu'ei ua fondacion basada en Euskadi (Espanha) especializada tau tractament numeric de la ressorças lingüiticas. Qu'a quasi 80 emplegats e qu'ei ua referéncia en tèrmi d'utís especializats (traduccion automatica, desvolopament d'aplicacions multiplatafòrmas). Que tribalha dab mantuns operators publics o privats (mèdias, universitats, administracions, etc.). Lo Congrès e Elhuyar qu'avièn en 2012 ua collaboracion e que despausèn un dossièr de subvencion dens l'encastre de l'aperet a projècte de l'Euroregion Aquitània-Euskadi tà la creacion d'un diccionari basco-occitan e la constitucion d'un còrpus de tèxtes occitans.
Cada expression o locucion, explicada e comentada del punt de vista lexical, gramatical e semantic, es balhada amb sa forma correnta, sas variantas, d’exemples preses dins la lenga parlada o literària e sas atestacions dins los diccionaris generals. Utilizadas totas en occitan lengadocian, se tròban jos una forma identica o equivalenta dins las autres variantas.
"Non trobaré pas pèiras au Gave" ("il ne trouverait pas de pierres dans le Gave", dit-on d'un maladroit ou de quelqu'un manquant de finesse). Aqueste tribalh qu'amassa duas òbras de mestresa de letras modèrnas opcion occitan de l'Universitat de Pau e deus País de l'Ador hèitas a partir deu "dictionnaire du béarnais et du gascon modernes" de Simin Palay. Florence Marcouyre (letras de A a J, ) e Joan Breç Brana (letras de L a Z) que mièn aqueth tribalh amenusat devath la direccion respectiva de Maurici Romieu e Felip Biu.
Lo Congrès Permanent de la Lenga Occitana a per objectiu de respondre als besonhs dels usancièrs de l’occitan a començar per los dels aprenents e dels ensenhaires. Aprene l’istòria e la geografia segon los programas definits per l’educacion nacionala implica l’utilizacion e l’aquisicion d’un vocabulari especific. Tre que se començèt d’ensenhar l’istòria geografia en occitan la question del vocabulari occitan se pausèt. Patrici Pojada e Sergi Carles, a l’iniciativa del rectorat de Tolosa, donèron ja una prumièra responsa plan utila als professors e escolans engatjats dins l’aventura del bilingüisme.
