28en congrès de las Calandretas
La Confederacion de las escòlas laïcas Calandretas organizarà son 28en congrès del 29 al 31 de mai a Mejanas lo Clap, dins Gard. La tematica que ne serà : « Calandreta : per cultura avançar ».
- Ací qu'ètz :
- Arcuelh
- Lo Congrès
- Actualitats
L'InÒc qu'organizè un collòqui suu PCI
L'InÒc Aquitània e lo laboratòri ITEM de l'Universitat de Pau e deus país de l'Ador que coorganizèn a Pau, deu 15 au 17 de mai, un collòqui internacionau titolat « Lo Patrimòni Culturau Immateriau : de l'inventari a la governança ».
Novèla edicion dels contes d'Andrieu Lagarda
Letras d'Òc torna editar Les Secrèts de las Bèstias, lo libre de contes d'Andrieu Lagarda. Vos farà viatjar al país de las bèstias que parlan e de Jan Bèstia, dels castèls encantats e dels ponts de veire, de las filhas de rei e del diable colhonat, de las bruèissas e de Jan de l'Ors, de Pitcendràs e dels menaires de lops, de las còrnas d'aur e de l'òme dels dets copats…
Los mistèris de la toponimia lemosina
France 3 Limousin a mes en linha cinc vidèos que parlan de la toponimia occitana en Lemosin. La presentatritz Cécile Gauthier e Ives Lavalada, sòci dau Conselh lingüistic dau Congrès, i fan descubrir los noms de luòcs dau parçan a partir de cinc tematicas : los animaus, los vegetaus, l'agricultura, l'aiga e l'abitat.
Dobertura de la bibliotèca virtuala Frederic Mistral
A l'escasença del centenari de la mòrt de Frederic Mistral, lo CIRDÒC a mes en linha una bibliotèca virtuala que li es consacrada al dintre de la mediatèca numerica Occitanica. Prepausa quicòm coma 200 ressorsas originalas o ineditas a l'entorn de l'autor provençal e de son òbra, e serà enriquida a mesura del temps.
Lou Tresor dóu Felibrige en linha
Lo Congrès, en partenariat amb lo CIRDÒC, a realizat una edicion numerica dau Tresor dóu Felibrige (Lo Tresaur dau Felibritge segon la nòrma classica) de Frederic Mistral. Lo diccionari occitan istoric es disponibla en linha en format Flipbook, que permet de reviure l'experiéncia dau libre de papier. Mai presenta tanben leis avantatges dau numeric, amb per exemple la possibilitat de faire de recèrcas indexadas en plen tèxte o de marcapaginar.
Android
Ortografia
