Lo Lexique descriptif occitan – français du vivaro-alpin au nord du Velay et du Vivarais, de Didier Grange abòrda tanben la gramatica, la sintaxi, l'ortografia e la prononciacion de la lenga occitana. De correccions e de modificacions son regularament portadas a aquel document disponible en linha.
Lo prètzhèit deu programa Còrpus de la paraula deu ministèri de la Cultura e de la Comunicacion qu'ei de valorizar lo patrimòni lingüistic de França. Tad aquò har, que balha accès en linha a fons sonòrs transcriuts e numerizats, en francés e dens las diferentas lengas parladas suu territòri. Que s'i pòt descobrir lengas a partir d'un camin sonòr, e tanben apréner quin aqueras dadas e son estadas hèitas e quin se pòden espleitar.
Opentrad es una plataforma de traduccion automatica en còdi obèrt. A per particularitat d'integrar las lengas ditas regionalas. Pren per exemple en compte lo catalan, lo basque, lo breton, lo gallés, lo galician... Pel moment, demest los parelhs de lenga estables ja desvolopats, trobam occitan-catalan e occitan-castelhan e lo consòrci Opentrad es a trabalhar sul parelh occitan-francés.
L'AIEO, Associacion interregionala d'estudis occitans, ven de publicar la segonda circulara pertocant son XIen Congrès internacional que se farà a Lhèida, en Catalonha, del 16 al 21 de junh de 2014.
trobar-aquitaine.org, lo site suus trobadors d'Aquitània, qu'obrí lo dimarç 24 de seteme. Hargat per l'InÒc d'Aquitània e l'associacion Trobadas, en partenariat dab la BNSA, que'vs hè descobrir las figuras aquitanas màgers de l'art deu Trobar.
Letras d'Òc torna editar lo Vocabulari occitan d'Andrieu Lagarda. Aqueste obratge classic d'aprendissatge de l'occitan balha lo lexic simple e basic de conéisser per escriure e parlar l'occitan dins sa varianta lengadociana.
