La FELCO (Federacion deus Ensenhaires de Lenga e de Cultura d’Òc) qu’amassa las associacions regionaus d’ensenhaires d’occitan de l’Educacion Nacionau. Aquestas associacions obèrtas au monde que s’i hèn a transméter la lenga e la cultura occitana de la mairau a l’Universitat. La FELCO que milita entà melhorar l’ensenhament tant entaus escolans qu’entaus ensenhaires, dab tres èishs : la sensibilizacion-iniciacion entà tots, l’ensenhament opcionau de lenga e cultura, e l’ensenhament bilingüe francés-occitan.

La FELCO qu’ei l’interlocutora deu Ministèri de l’Educacion Nacionau e que demanda ua auhèrta mei larga entà l’ensenhament en occitan, en s’apeant suus tèxtes oficiaus. La FELCO qu’ei tanben en ligam dab las collectivitats territoriaus qui sostienen la transmission de la lenga e de la cultura d’Òc. Que participa a la platafòrma reïvindicativa Anem Òc e qu’ei membra de la FLAREP (Federacion entà las Lengas Regionaus dens l’Ensenhament Public) e de l’APLV (Associacion deus Professors de Lengas Vivas).

Site internet : www.felco-creo.org