Los Centres de Formacion Professionala en Occitan especializats dins l’ensenhament de l’occitan, prepausan, dempuèi 1999, une ofèrta de formacion de qualitat e dobèrta a totes.

D’accions de formacion variadas :

• Estagis intensius PARLAR de dos jorns a una setmana ;
• Corses del ser ;
• Formacions individualizadas ;
• Formacion a distància ;
• Formacions professionalas ;
• Formacion intensiva en presencial ;
• Formacions Sciéncias e Natura.

De còlas pedagogicas e administrativas qu’an experiéncia e saber-far :

Las formacions prepausadas dintran dins lo Quadre Europèu Comun de Referéncia per las Lengas (QECRL), que definís de nivèls de competéncias practicas en lenga (compreneson orala e escricha, expression orala e escricha).

Los metòdes pedagogics utilizats donan la prioritat a la comunicacion e a l’expression orala dels estagiaris, la tòca principala es de formar de locutors actius. La presa de paraula, a travèrs de situacions ludicas e de mesas en scènas, es afavorida. Atal, cada apreneire es mes en situacion d’actor de sa formacion.

De formators qualificats :

Los formators son titulars d’una licéncia d’occitan o an un nivèl equivalent. An seguit una formacion sul tèma doble « Cossí ensenhar a d’adultes ? » e « Cossí ensenhar l’occitan als adultes dins lo quadre dels Centres de formacion professionala dins d’autras regions occitanas ? », e participan activament als acamps pedagogics bimesadièrs. Las formacions se pòdon inscriure dins lo quadre de la formacion professionala de contunh

Site internet : www.cfpoccitan.org ; www.cfpoc.net ; www.cfpoc.com